Naceu en Cambados en 1957. Dende neno, Manolo xoga a crear xoguetes cunha navalla. Pouco a pouco comeza a crear figuras humanas, que realiza tamén durante a súa formación na Escola das Artes e Oficios de Santiago de Compostela (Mestre Mateo).

Comeza a expoñer en 1979 na V Bienal de Arte de Pontevedra e ao ano seguinte faise profesor de Escultura na Escola de Canteiros de Poio. En 1983 viaxa a Nova Iorque, o que resulta ser unha viaxe decisiva para o seu futuro como artista, xa que aquí descubrirá as novas tendencias artísticas. Segue expoñendo en Madrid, Nova Iorque, Alemaña, Xapón…

Manolo Paz realiza unha morea de obras públicas, como a famosa “Familia de Menhires” en A Coruña. No 2010 crea a Fundación Manolo Paz Arte Contemporáneo e ao ano seguinte é nomeado académico da Real Academia Galega de Belas Artes. 

Os seus traballos teñen unha estética industrial e reflexionan co espazo. Observa a paisaxe e inclúe as súas obras nela, e céntrase no autóctono e os seus símbolos. Comeza a mesturar a madeira e o granito, e acaba combinando as súas formas xeométricas co ancestral de cada espazo.