MALLAS (FISTERRA)
Rúa do Carballo, 72, 15154, Mallas (Fisterra), A Coruña
mini biografia
Naceu en Chisinau (Moldavia), 1982. No 2006, en Rumanía, licenciouse na Facultade de Artes Visuais de Cluj-Napoca. Desde o seu país natal acaba en Galicia onde se establece e se desenvolve artisticamente.
A súa práctica artística é figurativa e enfócase principalmente no humano, entendéndoo como unha parte da vida, pero afastada do antropocentrismo; mediante temas como a identidade, a auto-consciencia, a casualidade na formación do valor das cousas e da vida mesma. O seu traballo materialízase en series autónomas onde a narrativa e o formato van da man, a miúdo a partir dun xogo plástico de repeticións, xuxtaposicións de cores e deformacións.
Unha das constantes no seu traballo é a creación de paneis que a través do uso repetitivo de representacións crean unha narrativa. O elemento visual da repetición, especialmente na forma de retratos, é unha obsesión gráfica para a artista, que captura un mundo no que a serialidade é unha característica definitoria. A imaxe final é a miúdo tráxico-cómica.
Con frecuencia o seu traballo articúlase en torno a narrativas que se materializan en pezas que a miúdo buscan funcionar de forma dual: conxuntamente e de forma independente. Aínda que a linguaxe primaria é pictórica, acostuma a introducir elementos performativos e, ás veces lúdicos que buscan ofrecer ao espectador a posibilidade de formar parte, coa súa implicación, na creación da obra de arte.