Naceu en Irún (Gipuzkoa) en 1958 e coido que xa naceu pintor. É a gran paixón da súa vida. Fillo de pais galegos, retornou á terra aos catro anos e recalou en Trabanca Badiña, un recuncho de Vilagarcía de Arousa, no que medrou.

Fronte as obras de Uxío ás veces un ten a sensación de que non son cadros senón mundos. Coas súas propias leis, coa súa propia dinámica e mesmo nun permañente proceso evolutivo alleo ao control do seu creador. Non hai deus, só conciencia.

É o azar e o destino o que manexa o pulso que percorre o lenzo.