Xaquín chaves

"En mi pintura el color es el detonante de los estados del alma, por lo que puede considerarse que mi trabajo tiene un carácter intimista, ya que refleja determinados hechos biográficos, a pesar de que posee una apariencia abstracta.”

OBRADOIRO

Cruce de Lois – Estrada Besomaño Ribadumia. PONTEVEDRA

LOCALIZACIÓN

mini biografia

Xaquín Chaves, nado en Vilaxoán de Arousa o 16 de xaneiro de 1959, inicia estudos de Bioloxía e Filosofía na U.S.C que abandona para adicarse á actividade creativa. Artista independente e de formación autodidacta, comeza a finais dos setenta a súa actividade expositiva.

A mediados dos 80, Xaquín Chaves é seleccionado para participar na exposición comisariada por Antón Castro “Artistas galegos na fronteira” en Salvaterra do Miño, quedando encadrado no variado rexistro chamado “post-atlantismo” da pintura contemporánea en Galicia. Nesta época, e ata os 90, a obra do autor transita por un discurso de figuración expresionista de vigoroso cromatismo e pincelada xestual, participa nas Bienales de Zamora e Albacete así como na Iª e IIª Mostra Unión Fenosa de A Coruña.

Durante os anos 90, a súa pintura vai evolucionando cara os postulados do expresionismo abstracto, adopta o gran formato como soporte e os pigmentos como pel cromática da súa produción artística. Exposicións na Galería Severo Pardo de Vigo, Obelisco de A Coruña e icónica exposición institucional en A Casa da Parra de Santiago de Compostela xunto á súa participación en ARCO-98 (stand del Macuf) e o Festival Intercéltico de Lorient (stand Xunta de Galicia) confirman a difusión da súa obra no panorama artístico nacional e internacional.

Coincidindo co novo milenio inaugura o seu actual taller en Lois-Ribadumia en pleno Val do Salnés. A súa obra diversifícase e envólvese nun matiz atmosférico – paisaxístico, transferindo á súa pintura lirismo, emoción e unha voluptuosidade cromática, que o escritor Xabier Seoane definiu como “dimensión aurática” en diversos ensaios sobre o autor. No 2000, comeza a traballar coa Galería Atlántica de Salvador Corroto de A Coruña coa exposición “A materia da cor”, considerada un punto de inflexión na súa traxectoria pola súa elaborada e particular técnica pictórica, con dita galería participa en diversas ferias de arte, Iberarte en Zaragoza, Espacio Atlántico (IFEVI) Vigo, Feria de Arte Contemporánea de Lisboa, ART-Madrid… No ano 2003, o autor presenta na Casa das Artes de Vigo o seu primeiro ensaio retrospectivo titulado “O bosque de Trazos e Cronos” e con posterioridade na Fundación Caixanova, na mesma cidade “Intersticios”, con obra recente, advertíndose unha pintura sempre en movemento que se transgrede e se reinventa no seu discurso formal, nas palabras de Jorge García – una obra que quiere explicarse a sí misma – . Nestes anos a obra de Xaquín Chaves pasa a formar parte dos fondos da Xunta de Galicia, da colección de Caixanova, Unión Fenosa e Ankaria de Madrid, así como de outros estamentos públicos e coleccións privadas. “La lumier comme pinceau”, exposición do Macuf no Museo Mohamed Racím de Argel, “2D-XXI Art Galicién” da Colección Caixanova no Instituto Cervantes de París, “5ª Jaar de Eduarte”, no Centro Arti et Amicitiai de Amsterdam, conforman xunto a súa participación na feira “Open Art Fair” de Utrecht e a exposición individual “Imaginária” no Monasterio de Sao Martinho de Tibães en Braga, o seu itinerario internacional ata o ano 2010. Entre o 2008 e 2009, Xaquín Chaves realiza dúas esculturas públicas de gran formato: “Rosadomar” por encargo da Autoridade Portuaria de Vilagarcía de Arousa e “Galicianos” na entorna das Torres do Oeste no Concello de Catoira. A súa traxectoria máis recente levouno a formular diferentes proxectos. “Horizonte” no Museo do Mar de Vigo(2015) con obras de gran formato, “Equinoccio” compendio das súas pinturas e esculturas no Espacio Multidisciplinar Nemonóm(2016) de Pontevedra e unha revisión do seu traballo pictórico e escultórico actual titulado “Traveling, pinturas e unha instalación” na Sala Rivas Briones (2019) de Vilagarcía de Arousa , cidade na que reside o autor, cuxo leitmotiv é o achegamento a unha abstracción máis conceptual solapada con datos da súa biografía visual. O 2021 marca o inicio da súa relación coa Galería Parrote de A Coruña coa exposición “Papel, papeis, papers” xunto a Rafael Canogar, Guillermo Fornés, Simón Edmonson e Pilar Cancio. Con dita galería, presenta unha cuidada selección dos seus últimos traballos na Feria Estampa de Madrid compartindo espazo con Guillermo Fornés e neste mesmo ano participa tamén na mesma cidade na exposición “Alma Atlántica” patrocinada pola galería Parrote xunto a Francisco Leiro e Angela de la Cruz na Fundación Pons. Na actualidade traballa no proxecto “A canción da Terra” inspirado na natureza con pezas de gran formato realizadas en tinta china sobre papel, onde se reflexa o seu persistente interese por abordar a paisaxe e o mundo vexetal dende un variado rexistro de estilos pictóricos que van dende o paisaxismo a plein-air dos seus inicios no mundo da pintura ata a caligrafía oriental que tanto estudiou e pola que Xaquín Chaves sinte tanta admiración. Diferentes performances, instalacións, colaboracións en proxectos arquitectónicos e de axardinamentos, intervencións paisaxísticas, audiovisuais con músicos e poetas, actividades de deseño gráfico e literario, configuran tamén a súa labora creativa e interdisciplina.

PROGRAMACIÓN

Obradoiro xaquín chaves

11:30 a 12:30

ROTEIRO

Faremos un paseo ao Monte do Castro, cunha visita guiada. O xacemento arqueolóxico do Monte do Castro está situado entre as parroquias de Leiro e Besomaño, no concello de Ribadumia. O castro presenta unhas dimensións medias no contexto característico da Idade de Ferro e no val do Umia, parece ser un dos maior envergadura.

CONCERTO

Concerto Dani Soldevilla
12:30

obradoiro

Vista guiada polo estudo a cargo do Artista Xaquin Chaves, na cal nos amosará a súa obra e as súas técnicas de primeira man.

GASTRONOMIA/MARIDAXE

Cata maridaxe composta de viños Paco & Lola e creacións culinarias partindo de productos da conserveira Mariscadora. Presentación de Viños e conservas.
Chef Rubén García (Pachi). Cociñeiro do CEIP Alomba en Vilagarcía e do Areoso beach na illa de Arousa, onde cunha cociña á vista e integrada na natureza, apostan por produtos de proximidade, de tempada e cunhas elaboracións de coccións rápidas.
13:00

libros

O guión: “AURA 1964”  editorial Galaxía por Ignacio Vilar
13:30

MÚSICA

Concerto de MAD MISSION Mad Mission é unha banda formada en Ourense no ano 2014. O estilo que toma como referencia é a música negra dos anos 60 e 70, dando como resultado unha mestura maravillosa de funk, rock e soul.

ALGUNAS DAS SUAS OBRAS